Kryetari i Obiliqit, Xhafer Gashi, ka njoftuar se ka vizituar Naser Qerkezin, policin e njësitit special të Kosovës, i cili u plagos gjatë aksionit në veri të vendit.
Duke i shprehur ngushëllimet e tij për vrasjen e rreshterit të Policisë së Kosovës, Afrim Bunjaku, Gashi tregoi se Qerkezit ia ka dhuruar emblemën e UÇK-së, si dhe shqiponjën dykrenare.
“Naserit në shenjë mirënjohje i dhurova emblemën e Ushtrisë Çlirimtare të Kosovës dhe shqiponjën dykrenare”, shkroi ai ndër të tjera.
“Naseri me djemtë me të mirë të këtij vendi, janë gardian të ruajtjes se paqes! Zoti i ruajtë të gjithë që ndodhen në krye të detyrës, ndërkaq Naserit shërim dhe rikthim të shpejtë në misionin për mbrojtjen e vendit”, ka deklaruar Gashi, në një postim në Facebook.