Blerim Gashi, analist në Kanal 10, ka bërë një interpretim krejt margjinal të bisedës në mes Mimoza Kusari Lilës, shefe e grupit parlamentar të VV-së, me Milan Radoiçiqin, i akuzuar për sulmin e armatosur në Banjskë.
Sipas Gashit, gjetja e zgjidhjeve për kalimin e ligjeve të detyron të komunikosh edhe me “dreqin e mallkuar”, siç iu referua Listës Serbe.
Tutje, veprimin e Kusari Lilës, Gashi e quajti trimëri.
“Është goxha trimëri me marrë barrë me kry punë parlamentare kur të tjerët edhe nuk munden, edhe nuk dojnë, apo edhe ndoshta përveç që s’kanë guxim, nuk e kanë as aftësinë që ta mbajnë nivelin e balancës që të bisedojnë për çështje parlamentare” – tha ai.