Anësori i Manchester United, Alejandro Garnacho, raportohet se ka rënë dakord t’i bashkohet Napolit, dhe sipas “Il Mattino,” skuadra nga jugu i Italisw i kanë ofruar një zbritje për Victor Osimhen Manchester United, për të ulur çmimin e kërkuar për argjentinasin.
Sky Sport Italia dhe Il Mattino raportojnë se Garnacho ka arritur një marrëveshje me Napolin.
Sipas gazetës me bazë në Napoli, argjentinasi i ka thënë Manchester United-it se ai dëshiron të transferohet vetëm te Stadio Maradona këtë muaj.
Garnacho ka marrëveshje me Napolin ndërsa Man Utd ofrohet zbritje për Osimhen
Drejtuesit e Manchester United pritet të takohen sot me përfaqësuesit e Napolit, por ende ka një hendek të madh midis ofertës së Napolit dhe kërkesave të Djajve të Kuq.
Çmimi i kërkuar nga Manchester United mbetet rreth 80 milionë euro, ndërsa Napoli ka ofruar 50 milionë dhe nuk do të shkojë më shumë se 60 milionë.
Sipas “Il Mattino,” Napoli është i hapur t’i japë Manchester United një zbritje për Osimhen verën e ardhshme.
Sulmuesi nigerian do të jetë i disponueshëm për një klauzolë prej 75 milionë eurosh pas një huazimi te Galatasaray, por Napoli do të ishte i gatshëm të pranonte një ofertë më të ulët nga Old Trafford nëse United ul çmimin e kërkuar për Garnacho.
“La Repubblica” raportoi më herët këtë muaj se Osimhen kishte refuzuar një transferim në janar te Manchester United dhe zgjodhi të qëndronte te Galatasaray deri në fund të sezonit.
