“Garantoj për kuptimin e tij të thellë të sfidave ballkanike”, Hoxhaj vlerëson kandidatin republikan për zëvendëspresident

Donald Trump ka njoftuar se senatori i Ohajos, JD Vance do të jetë kandidati i tij për Zëvendës President të Shteteve të Bashkuara.

Ish-kryediplomati ka mirëpritur lajmin duke thënë se Vance i kupton thellë sfidat ballkanike dhe evropiane.

“I ngazëllyer kur shoh zgjedhjen e Presidentit Trump, James David Vance si kandidat për zëvendës të tij! Pasi e kam takuar së fundmi në Mynih, mund të garantoj për kuptimin e tij të thellë të sfidave ballkanike dhe evropiane. Depërtimi dhe udhëheqja e tij janë pikërisht ajo që na nevojitet në këto kohë të trazuara”, tha Hoxhaj.