Real Madridi ka lëshuar prapë pikë në La Liga. Pas Elche, madrilenët barazuan edhe me Gironan.
“Los Blancos” edhe pse e nisën për mrekulli, e ndalën shpejtë hovin me epilogun përfundimtar që rezultoi të jetë 1-1.
Kylian Mbappe rrezikoi shpejtë ku kishte dy raste shënimi por nuk ia doli t’i finalizojë.
Francezi pastaj shënoi megjithatë goli u anulua shkaku që kishte prekur topin me dorë (40’).
Kur Real Madridi po sulmonte, Girona zhvilloi një kundërsulm me Azzedine Ounahi që e la të shtangur Courtois për ta zhbllokuar rezultatin (45’).
Madrilenët e gjetën prapë rrugën drejtë rrjetës – këtë herë me Vinicius Jr por sërish u anulua. Kësaj radhe kishte pozitë jashtë loje.
Braziliani pastaj fitoi penallti, pasi u faullua brenda zonës, ndërsa Mbappe e konkretizoi për ta barazuar rezultatin (67’).
Real Madridi tentoi deri në fund që ta përmbyste epërsinë por që assesi s’ia doli. Kësisoj, tani bien në pozitën e dytë me 33 pikë, derisa Girona zë pozitën e 18-të me 12 sosh./Telegrafi/
