Barcelona nuk e ka shfrytëzuar mundësinë për ta mbajtur distancën nga Real Madridi, duke pësuar humbje në udhëtim te Real Sociedadi.
Katalunasit edhe pse dominuan në posedim, u mposhtën me rezultat 1:0.
Mysafirët e nisën më mirë duke shënuar përmes Robert Lewandowskit, megjithatë goli u anulua pasi vetëm një pjesë e këmbës ishte në pozitë jashtë loje.
Pas kësaj, Sheraldo Becker mori një asistim fantastik dhe me një goditje të fortë e kaloi Sociedadin në epërsi (33’).
Sociedadi kishte edhe një tjetër mundësi nga afërsia përmes Mikel Oyarzabal, mirëpo ndërhyri mbrojtja e Barcelonës për ta devijuar në fund.
Në pjesën e dytë, dy skuadrat kishin pak raste shënimi, me blaugranasit që vazhduan ta mbajnë posedimin por larg finalizimit.
Barcelona qëndron në krye të La Liga-s me 33 pikë, gjashtë mbi Realin mirëpo madrilenët kanë një sfidë më pak të zhvilluar ndërsa Sociedadi ngjitët në pozitën e tetë me 18 sosh.
