Kosovare Asllani e ka vazhduar shkëlqimin.
Futbollistja kosovare ishte protagoniste mbrëmë në fitoren 15:0 të Suedisë ndaj Gjeorgjisë, në kualifikimet e Kampionatit Botëror.
Futbollistja e Real Madridit u inkuadrua në lojë vetëm në pjesën e dytë dhe menjëherë doli në skenë
Ajo golin e parë, respektivisht të 13-tin për suedezet e gjeti në minutën e 76-të pasi e la në gjumë krejt mbrojtjen kundërshtare për të shënuar gol të bukur me të majtën.
Kurse, golin e dytë personal dhe të 14-tin për ekipin e gjeti pas pesë minutash nga penalltia.
Asllani ka qenë lojtare mjaft e rëndësishme tek Suedia viteve të fundit dhe nuk i kanë munguar sukseset.
Ajo synon t’i fitojë tri pikë me shoqet e saj edhe në ndeshjen e radhës ndaj Irlandës të martën që vjen.
Suedia i prin grupit A me 18 pikë, duke i fituar të gjitha 6 ndeshjet, kurse në vendin e dytë gjendet Irlanda me shtatë.
