Gazetari Shkumbin Kajtazi ka komentuar një postim të publikuar nga Lëvizja Vetëvendosje gjatë ditës së sotme në Facebook, ku kjo e fundit theksonte se “FSK për herë të parë në veri të vendit”, pas një ndërhyrjeje për gjetjen e trupit të mërgimtarit 33-vjeçar që dyshohet se u mbyt në Liqenin e Ujmanit.
Kajtazi në emisionin “Kosova Today” në Klan Kosova, tha se prezenca e FSK-së në këtë rast nuk duhet politizuar, dhe sipas tij, është e pandjeshme ndaj dhimbjes së familjes.
“Nuk po themi që FSK nuk duhet të shkojë, por është shumë e pandershme, shumë e dhimbshme të mos ketë fare konsideratë për dhimbjen e asaj familjeje. Dhe sendi i parë që themi është ‘FSK në veri’. FSK nuk ka shkuar atje me luftu”, u shpreh Kajtazi, transmeton Klankosova.tv.
