Forcat e Sigurisë së Kosovës mëngjesin e sotëm kanë filluar të kryejnë një stërvitje ushtarake në parkun e Gërmisë në Prishtinë.
Njoftimin e ka bërë ditë më parë Komuna e Prishtinës, teksa u tha se nuk ka arsye për shqetësim.
“Ju njoftojmë se FSK – Forca e Sigurisë së Kosovës, bazuar në planin e saj të stërvitjeve, më 15 nëntor 2025 do të realizojë një stërvitje ushtarake, marshim kondicional në zonën e Gërmisë”, u tha në njoftimin e komunës.
Megjithatë, një postim e bëri edhe ministri i Mbrojtjes, Ejup Maqedonci ai që postoi disa foto gjatë kësaj stërvitjeje.
“Ecja ime e zakonshme në Gërmi sot mori një energji krejt tjetër – një pjesë të rrugës e bëra së bashku me kadetët e Akademisë Ushtarake të FSK-së, oficerët e ardhshëm që po realizonin marshin kondicional 13 km ‘Shtegu i Lavdisë’. Disiplina dhe përkushtimi i tyre janë frymëzim i vërtetë”, shkroi Maqedonci.
