Franca e ka fituar derbin ndaj Belgjikës, derisa Italia ka marrë fitoren e dytë, këtë herë kundër Izraelit.
Ndeshja kryesore ishte ndërmjet Francës dhe Belgjikës, sfidë që “Gjelat” e fituan me rezultat komod 2:0.
Franca ishte shumë herë më e mirë, duke dominuar në të gjitha aspektet, pavarësisht që Didier Deschamps vendosi ta lërë në stol Kylian Mbappen.
Randal Kolo Muani i dha epërsinë Francës pas 29 minutave lojë pas një asistimi të Ousmane Dembeles.
Ndërsa, ishte vetë Dembele që e vulosi fitoren me një goditje precize pas asistimit të N’Golo Kantes (57’).
Franca tani merr pozitën e dytë në grupin 2, derisa Belgjika renditet e treta me tre sosh.
Në anën tjetër, Italia ka shënuar fitoren e dytë radhazi – këtë herë në udhëtim te Izraeli me rezultat 1:2.
“Azzurët” duket se janë këndellur fuqishëm nga “Euro 2024”, duke zhvilluar një tjetër paraqitje solide.
Davide Frattesi e kaloi Italinë në epërsi pas një asistimi të DiMarcos (38’), derisa i ‘harruari’ Moise Kean e vulosi fitoren (62’).
E tëra që bëri Izraeli ishte goli i nderit i shënuar nga Abu Dani në fundin ndeshjes (90’).
Italia tani është lider në grupin 2 me gjashtë pikë, derisa Izreali renditet në fund pa pikë.
