adonna ka shkaktuar një valë polemikash pas postimit të një fotografie të krijuar nga inteligjenca artificiale, ku ajo shihet duke u përqafuar me Papa Françeskun. Këngëtarja, e njohur për historinë e saj me polemikat që lidhen me Kishën, ka shkaktuar reagime të shumta pas publikimit të këtij imazhi në Instagramin e saj, ku e ka shoqëruar me mbishkrimin
Ndihem mirë që shohin.
Disa përdorues të rrjeteve sociale e kanë quajtur këtë veprim “të çuditshëm”, “të frikshëm” dhe “të papranueshëm”, duke e konsideruar si një akt të papërgjegjshëm dhe fyes për besimin fetar. Nga ana tjetër, ka pasur mbështetje për këngëtaren. Disa fansa e kanë mbrojtur atë duke theksuar se kjo është pjesë e sensin të saj të humorit. Ata e konsiderojnë këtë një veprim të guximshëm dhe autentik, duke i dhënë mbështetje për qëndrimin e saj ndaj kritikave.
Madonna ka qenë gjithmonë një figurë e njohur për qëndrimet e saj provokuese dhe përballjen me autoritetet fetare. Në një intervistë të vitit 2023 për revistën “Vanity Fair”, ajo përshkroi raportin e saj me Kishën Katolike dhe besimin fetar. Ajo ka shpjeguar se, teksa është rritur me frymën e besimit katolik, e ka kuptuar se shumë nga sulmet që i janë bërë ishin të motivuara nga moskuptimi i veprës së saj si artiste, që synonte të bashkonte njerëzit dhe të promovonte lirinë e shprehjes. Ajo theksoi se sulmet që ka përjetuar nga ana e Kishës kanë treguar që problemi ishte tek ata, jo tek ajo.
Duke folur për besimin e saj personal, Madonna ka thënë se e konsideron veten si një person shpirtëror, por jo domosdoshmërisht të lidhur me një fe të caktuar.
