Forcat ruse bombardojnë një vend evakuimi në Kiev

Një pikë evakuimi për civilët në Kiev është bombarduar nga forcat ruse. Një predhë artilerie ra pikërisht në një korridor plotë me qytetarë që po i largoheshin agresorit rus.

Gazetarët ndërkombëtarë që janë aty thonë se të paktën 3 civilë janë vrarë, mes tyre 2 fëmijë.

Megjithatë, akoma nuk ka konfirmim zyrtar për numrin e viktimave.

Sot është dita e 11 e luftimeve në Ukrainë që nga mëngjesi i 24 shkurtit, kur presidenti rus Vladimir Putin urdhëroi një “operacion ushtarak” dhe nisi sulmet në të gjithë territorin e Ukrainës.