Federata e Futbollit e Kosovës organizon kursin për trajnerë të Licencës C (UEFA C), në bashkëpunim me platformën unike të mësimdhënies dhe mësim-nxënies Edubreak.
Kursi do të mbahet në Kampin Nacional të FFK-së në Hajvali, ku nga e hëna deri të premten do të zhvillohen ligjëratat dhe stërvitjet.
Pjesëmarrja e plotë është obligative, ndërsa nuk do të ketë nevojë për akomodim dhe fjetje.
Numri maksimal i pjesëmarrësve për këtë kurs është 24, ndërsa pagesa e kursit për person është 350 €.
Kursi do të fillojë më 04.08.2025.
Kriteret për Licencën C të FFK-së janë:
• Aplikacionet dhe formularët e regjistrimit të FFK-së të plotësuar
• Dy fotografi (me përmasat e pasaportës)
• Certifikatë shëndetësore (jo më e vjetër se gjashtë muaj)
• Dëshmi që ai/ajo nuk është i/e dënuar dhe nuk është nën hetime për ndonjë vepër penale
• Dëshmi mbi edukimin (diplomë e shkollës së mesme, së paku)
• Minimumi i moshës së kandidatit duhet të jetë 18 vjeç
Të gjithë të interesuarit mund të dorëzojnë aplikimet online deri më 31.07.2025, në adresën: [email protected]
Aplikacionet e pakompletuara dhe ato që nuk janë skanuar mirë nuk do të merren parasysh
