Federata e Futbollit e Kosovës ka bërë të ditur se nesër nga ora 14:00 do të prezantohet trajneri i ri i kombëtares.
Emri i cili është përfolur në media gjatë ditës për postin e trajnerit është ai i Franco Fodës, ku siç raportoi drejtori i futbollit në Artmotion, Arlind Sadiku, Foda ka arritur sot në në Prishtinë.
Pozita e trajnerit të “Dardanëve” ka mbetur e zbrazët pasi nuk iu vazhdua kontrata Primozh Glihës, i cili nuk pati rezultate.
Përndryshe, Kombëtarja e Kosovës ka aranzhuar tri ndeshje miqësore, ku dy prej tyre do t’i zhvillojë në muajin mars dhe një tjetër në qershor.
Ndeshjen e parë do ta luajnë më 22 mars në Yerevan ku përballë do ta kenë Armeninë, ndërsa më 26 mars do të ndeshen kundër Hungarisë në Budapest.
Ndërkaq, testin e radhës, Kosova do ta ketë më 5 qershor, ku do të luajë kundër Norvegjisë, në Oslo.
