- Advertisement -
Opinionisti Arben Fetoshi, ka thënë se çasja ndaj Ushtrisë Çlirimtare të Kosovës, është pasojë e propagandës së Serbisë dhe Rusisë.
Sipas tij, kjo ka ardhur edhe si pasojë e mos vëmendjes së qeverive të kaluara.
“Gjuetia e shtrigave ndaj UÇK-së realisht ka histori 23-vjeçare dhe është si pasojë e një arsenali shumë propagandistik të sponsorizuar edhe prej Serbisë edhe prej Rusisë. E në këtë kuadër unë jam pak kritik sa i përket vëmendjes së institucioneve dhe qeverive të mëparshme për dekonstruktimin e efekteve të asaj propagande që është ndërmarrë me vite dhe që është intensifikuar shumë në të gjitha organizimet e segmentit shoqëror në vendin tonë”, tha Fetoshi në emisionin “Këndi i Debatit”.
