Ferizaj: U ndalën për kontrollim të veturës, iu gjejnë armë – Shoqërohen në stacion policor

Janë shoqëruar për në stacion policor dy të dyshuar në Ferizaj.

Sipas njoftimit të policisë, deri sa policët ishin duke patrulluar, të dyshuarit janë ndaluar sot në orët e hershme, rreth orës 02:10.

Gjatë kontrollimit të dokumentacionit të veturës, tek i dyshuari B.J është gjetur një pistoletë dhe 11 fishekë, ndërsa tek i dyshuari tjetër, M.A janë gjetur një pistoletë me pesë fishekë.

Ata janë shoqëruar në stacionin policor në Ferizaj, e pastaj me vendim të prokurorit, janë liruar në procedurë të rregullt.

Përndryshe armët e zjarrit dhe fishekët janë sekuestruar.