- Advertisement -
Kandidati për deputet nga radhët e PDK-së me numrin 16, Ferat Shala, ka akuzuar qeverinë Kurti se rrugën për Tetovë e ka nisur pa pasur projekt.
Po ashtu, ai ka thënë se për më tepër përgjegjësinë për projektimin dhe zgjedhjen e kompanisë për hapjen e tunelit, Qeveria Kurti në kundërshtim me ligjin ia ka dhënë Institutit të Rrugëve në Maqedoni.
“Rruga për Tetovë është nisur pa projekt, pa studim dhe për më tepër përgjegjësinë për projektimin dhe zgjedhjen e kompanisë për hapjen e tunelit ia japin Institutit të Rrugëve në Maqedoni – një veprim ky në kundërshtim me ligjet tona”, ka shkruar Shala në Facebook.
