Artisti Fedez ka vendosur të shkëputet nga rrjetet sociale. Por ky veprim shtoi më shumë thashethemet se artisti mund të jetë duke vuajtur nga probleme të shëndetit mendor ose ndodhta ka një krizë të mundshme në marrëdhënien me blogeren e njohur Chiara Ferragni.
Prej kohësh është spekuluar një kërkesë për divorc nga gruaja e tij për shkak të ngjarjes së fundit në Festivalin e Sanremos ku reperi shkëmbeu një puthje me artistin Rosa Chemical.
Përmes një postimi në rrjetet sociale artsiti ka konfirmuar se raporti me bashkëshorten e tij vijon të jetë I mirë.
“Po kaloj një periudhë ku preferoj të qëndroj sa më larg rrjeteve sociale. Marrëdhënia me gruan time nuk ka asnjë lidhje me këtë vendim. Përkundrazi, e falënderoj për mbështetjen e vazhdueshme. Shihemi së shpejti!” –ka shkruar ai.
Vetë Chiara së fundmi ka mohuar publikisht thashethemet e krizës të përfolur. Para statusit të Fedez, gazetari Italian Fabrizio Corona shkroi se dyshja janë në krizë dhe afër divorcit.
