FC Suhareka ka reaguar ashpër ndaj sulmit të gazetarit Baton Haxhiut ndaj institucionit të FFK-së.
“Sulmi ndaj institucionit kredibil të FFK-së është sulm ndaj komunitetit të futbollit, andaj ne nuk do të tolerojmë diçka të tillë”, është thënë në reagimin e FC Suhareka.
Reagimi i plotë:
𝗥𝗘𝗔𝗚𝗜𝗠 !
Rreth letrës së hapur të gazetarit të dështuar Baton Haxhiu
FC Suhareka reagon ashpër ndaj sulmit të paskrupulltë të Baton Haxhiut ndaj institucionit të FFK-së.
Komuniteti i futbollit te Suharekës ka dhënë kontribut të madh në mvetësimin e futbollit dhe basketbollit të Kosovës. Ndër të parët u kyqë në themelimin e FFK-së dhe FBK-së.
Në FFK patëm nënkryetarin e parë, kurse në FBK kryetarin e parë.
Të gjithë qytetarët e komunës sonë ndanë kafshatën e gojës për zhvillimin e garave në Federatën e Futbollit të Republikës së Kosovës.
Edho sot ndahen miliona euro për zhvillimin e garave.
Kurse del një gazetar i dështuar dhe sulmon FFK-në.
FFK ka kuvendin e vet të përbërë nga delegatët e të gjithë klubeve të Kosovës. Në Kuvend vlerësohet puna apo mospuna e FFK-së, e jo rrugëve e nëpër studio televizive private nga personat jokompetent për Futbollin e Kosovës.
Komuniteti sportiv e veçmas ai i futbollit i Suharekës mbështet FFK-në dhe donatorët e klubeve të futbollit të Kosovës.
Sulmi ndaj institucionit kredibil të FFK-së është sulm ndaj komunitetit të futbollit, andaj ne nuk do të tolerojmë diçka të tillë.
𝗠𝗘 𝗙𝗙𝗞-𝗻𝗲 𝗗𝗥𝗘𝗝𝗧𝗘 𝗦𝗨𝗞𝗦𝗘𝗦𝗘𝗩𝗘 𝗧𝗘 𝗥𝗘𝗝𝗔!
#fcsuhareka
#ffk
