Faton Bislimi, drejtor ekzekutiv i Ligës Qytetare Shqiptaro-Amerikane ka njoftuar mbi padinë për shpifje ndaj Shqiprim Arifit, kryetarit të Komunës së Preshevës, i cili mbrëmë në Pressing në T7 e quajti hajn ish-deputetin e LDK-së, duke hedhur ndaj tij akuza të rënda.

Bislimi në llogarinë e tij në Facebook shtoi se avokati i tij, Sherif Sherifi “ka proceduar me padi për shpifje ndaj Arifit në gjykatë”.

Bislimi tha se padia e deponuar në Kosovë me datë 21 qershor 2023 Arifit “do t’i bëhet edhe në Gjermani”, meqë ai mban nënshtetësinë gjermane.

Faton Bislimi i ka mohuar akuzat e Shqiprim Arifit për korrupsion.