Tashmë Ashley Graham njihet për karakterin e saj të drejtpërdrejtë dhe për fotot mjaft provokuese në rrjetet sociale. Nëna e tre fëmijëve nuk i ka aspak problem kritikat dhe vijon që në profilin e saj në “Instagram” të postojë foto dhe video që ajo dëshiron të ndajë më miliona ndjekësit e saj.
Prej pak muajsh është bërë nënë për herë të dytë, e kësaj radhe solli në jetë binjakë. Tani ajo është nënë e tre djemve.
Modelja e famshme e kolme poston herë pas here imazhe në rrjetet sociale, ku me to jep edhe mesazhe të rëndësishme për të gjitha nënat apo ato që së shpejti do të bëhen nëna.
Së fundmi, Ashley ka publikuar në “Instagram” një fotografi ku shfaqet duke ushqyer me gji binjakët e saj. Edhe pse më herët është kritikuar kur ka ndarë me ndjekësit një imazh të tillë, asaj nuk i intereson aspak një gjë e tillë.
Por nga ana tjetër, ka shumë fanse që e falënderojnë që ndan me ta momente nga përditshmëria, pasi i ndihmon ata që të mos kenë frikë nga paragjykimet e të tjerëve.
E jo vetëm kaq, pasi Graham ka postuar në “Instagram” edhe poza që tregon se si trupi i saj ka ndryshuar pas lindjes së binjakëve.
