Gjatë Prime-t të djeshëm të “BBVIP3”, një nga momentet më të bukura ishte surpriza që produksioni bëri për Ilnisën, një prej protagonisteve të këtij edicioni, së cilës ju dha mundësia (falë Ledjonës) që të fliste me vajzën e saj.
Kështu, e emocionuar pasi kishte 3 javë që nuk fliste apo nuk dëgjonte zërin e së bijës, Ilnisa na dhuroi një moment mjaft prekës, teksa komunikoi me Anais dhe mes lotësh shkëmbylen fjalë dashurie, por edhe batuta. Megjithatë, në rrjet, gjatë mbrëmjes së djeshme, por edhe sot, kanë qarkulluar “akuza” se në fakt vajza u duk sikur i detyrua nga dikush që të qante (për efekte dramatike), teksa u përfol se familjarët apo dikush nga produksioni mund ta ketë bërë këtë.
Këtyre “akuzave” i janë përgjigjur familjarët e Ilnisës, me anë të një postimi në Instagram-in e saj, teksa ndër të tjera kanë shkruar:
Është keqardhje që niveli i spekulimit dhe konspiracionit ndaj një loje, arrin në atë pikë sa vë në dyshim emocionin e një fëmije 10-vjeçar, lotët e saj, zërin që meket në një komunikim me mamanë e saj, që askush nuk është në gjendje të përfytyrojë sesa shumë i mungon…’
