- Advertisement -
Besimtarët muslimanë në Kosovë dhe në mbarë botën, sot festojnë Fitër Bajramin, një ditë e shënuar që pason përfundimin e muajit të shenjtë të Ramazanit.
Manifestimi qendror për festën e Fitër Bajramit në Kosovë, si çdo vit, edhe kësaj here po mbahet në Xhaminë e Madhe në Prishtinë.
Manifestimi filloi në orën 05:41, me faljen e namazit të sabahut, ndërkaq besimtarët muslimanë e falën namazin e Fitër Bajrami sot në orën 06:59.
Me rastin e festës së Fitër Bajramit, Kryesia e BIK-ut, si tradicionalisht organizon pritje urimi në selinë e Kryesisë.
Festimet gjithashtu shoqërohen me aktivitete të ndryshme shoqërore, ku vlera e solidaritetit dhe ndihmës ndaj atyre që kanë nevojë është e theksuar.
