Pas fitores së Donald Trump në zgjedhjet presidenciale në SHBA, tema më e përfolur është ajo se kush do ta përbëjë kabinetin e tij.
Sipas mediumeve ndërkombëtare, emri më i përfolur për Sekretar të Shtetit është ai i ambasadorit Richard Grenell.
Së fundmi, mediumi amerikan “New York Post“, ka publikuar një lajm duke treguar se komuniteti i myslimanëve në SHBA i ka dërguar një letër presidentit Trump, ku kanë kërkuar që Richard Grenell të emërohet në pozitën e Sekretarit të Shtetit.
“Pse mbështetësit myslimanë të Trump po e shtyjnë presidentin e zgjedhur të emërojë Ric Grenell sekretar të shtetit”, thuhet në titullin e mediumit amerikan.
Mbështetësit myslimanë të Presidentit të zgjedhur Donald Trump i kanë kërkuar atij që të emërojë ish-ambasadorin në Gjermani Ric Grenell si sekretar të shtetit, duke përmendur përpjekjet e tij gjatë fushatës zgjedhore të sapopërfunduar.
Sipas tyre, angazhimi i ambasadorit Richard Grenell bëri që Donald Trump të fitoi në zonat myslimane në Michigan ku deri atë kohë ishin bastione të demokratëve.
Në një letër të fundjavës, drejtuar Trumpit dhe Shefes së Stafit të Shtëpisë së Bardhë, Susie Wiles, të sapoformuar dhe të ndarë me The Post, një grup që e quante veten muslimanë dhe amerikanë të Lindjes së Mesme për Trump, tha se “afrimi i përkushtuar i Grenell ndaj komuniteteve tona fitoi shumë votues myslimanë dhe arabë dhe ndihmoi në kthimin e zonave kryesore që dikur ishin demokrate të besueshme.”
Trump u bë republikani i parë që fitoi Miçiganin dy herë që nga Ronald Reagan dhe fitoi bastionet arabo-amerikane të Dearborn dhe Dearborn Heights ndaj demokrates Kamala Harris.
“Puna e ambasadorit Grenell në Michigan, Wisconsin, Pensilvani, Arizona, Xhorxhia dhe Karolinën e Veriut solli një numër rekord të ish-votuesve demokratë për të mbështetur ju dhe mesazhin tuaj tingëllues të paqes”, vazhdoi letra.
“Pasi kaluam shumë kohë me të në shtegun e fushatës, duke dëgjuar fjalimet e tij dhe duke e parë atë të angazhojë komunitetet tona, ne besojmë fuqimisht se ambasadori Grenell do ta zbatonte më së miri vizionin tuaj America First në mbarë botën.”
