Cesc Fabregas po vazhdon të shkruajë histori në aventurën e tij si trajner në Itali.
Strategu spanjoll ka arritur shifrën e 100 pikëve të grumbulluara në Serie A, një moment i rëndësishëm në karrierën e tij në pankinë.
Fabregas e ka ndërtuar këtë bilanc gjatë drejtimit të Comos, skuadër me të cilën ka bërë një punë shumë të mirë duke e kthyer ekipin në një rival serioz në elitën e futbollit italian. Nën drejtimin e tij, Como ka arritur rezultate të rëndësishme dhe shpesh ka befasuar kundërshtarë më të mëdhenj.
Arritja e 100 pikëve konsiderohet një tregues i stabilitetit dhe progresit të ekipit, teksa projekti i klubit vazhdon të rritet sezon pas sezoni. Fabregas po fiton gjithnjë e më shumë vlerësim për stilin e tij ofensiv dhe mënyrën se si ka organizuar skuadrën.
Me Comon që aktualisht lufton për zonën evropiane (Champions) në tabelën e Serie A, trajneri spanjoll synon që ky sezon të jetë historik për klubin, ndërsa shifra e 100 pikëve mbetet një tjetër moment i veçantë në rrugëtimin e tij si trajner.
