Eva Longoria u shfaq elegante dhe me një fund transparent gjatë një darke luksoze në Madrid të dielën.
Ylli i “Desperate Housewives”, 50 vjeçe, kombinoi një fund të zi me një triko të ngushtë dhe xhaketë elegante me supe të mbushura.
Për të kompletuar veshjen, ajo veshi taka të zeza me majë, duke i shtuar disa centimetra trupit të saj të imët.
Gjatë eventit, Eva pozoi për fotografi pranë të ftuarve të njohur si Mar Saura, Vicky Martin Berrocal, Amaury Nolasco dhe Maria Bravo, shkruan DailyMail.
Shfaqja e saj elegante vjen pasi Eva ka theksuar se nuk do të ndryshonte asgjë nga fillimet e sfiduara të karrierës së saj apo nga martesat e dështuara, pasi vlerëson rrugën që ka ndjekur.
Ajo u rrit në Teksas dhe filloi të aktronte pas fitores në një konkurs talentesh, që e çoi në Los Angeles, ku fillimisht kishte vetëm gjashtë dollarë në llogarinë e saj.
Më pas mori role të vogla në Beverly Hills, 90210 dhe General Hospital, përpara se të interpretonte Isabella Braña në The Young and the Restless.
Suksesi i madh erdhi me rolin e Gabrielle Solis në Desperate Housewives, që e bëri të njohur në gjithë vendin.
Në një intervistë të fundit, Eva tha: “E doja shumë luftën time… më pëlqen kjo sepse më bën ta vlerësoj më shumë pozicionin ku ndodhem tani”.
Ajo ka theksuar rëndësinë e sfidave që përjetoi në Hollywood, duke përfshirë audicionet e vështira, punën e shumëfishtë dhe detyrimet financiare, që e kanë ndihmuar të rritet si aktore dhe si person.
