Emisari i SHBA-së, për Ballkanin Perëndimor, Gabriel Escobar, ka bërë një koment rreth takimit të sotëm disaorësh, mes kryeministrit Albin Kurti me presidentin serb, Aleksandër Vuçiq në Bruksel.
Teksa me të dalë nga objekti ku zhvillohen punimit në Bruksel, ai është shprehur shkurtimisht, se ”ende ka shumë punë për të bërë”, rreth çështjes së marrëveshjes drejt normalizimit mes Kosovës dhe Serbisë.
“Ende shumë punë për të bërë. Ne do të flasim shumë më tepër në konferencën për shtyp nesër, por tani për tani kemi ende shumë punë për të bërë. Ne do te bisedojmë nesër.”, tha ai.
Ai për Kanal10 bëri të ditur më tej se më shumë detaje do jepen në një konferencë të nesërme të aranzhuar nga Departamenti i Shtetit Amerikan, të njëjtën të cilën e kanë bërë të ditur edhe Ambasada Amerikane përmes një njoftimi për media.
