Presidenti turk, Recep Tayyip Erdogan ka vizituar Budapest të hënën për të takuar kryeministrin hungarez, Viktor Orban.
Udhëheqësi i Turqisë filloi vizitën e tij në Sheshin e Heronjve në zemër të kryeqytetit, ku u prit me nderime ushtarake nga presidentja hungareze, Katalin Novak.
Kjo është vizita e tij e dytë gjatë disa muajve, kjo si shenjë e afërsisë së dy liderëve dhe përkon me 100-vjetorin e marrëdhënieve diplomatike midis dy kombeve.
Në menynë e diskutimeve ishin “thellimi i bashkëpunimit dypalësh” dhe çështjet e energjisë pasi Hungaria pritet të fillojë importimin e gazit përmes Turqisë në vitin 2024.
Një nga temat e tjera kryesore në tavolinë ishte anëtarësimi i Suedisë në NATO, të cilit asnjëri prej vendeve nuk i ka dhënë ende dritën jeshile.
Erdogan, i cili më në fund ra dakord të heqë veton e tij në korrik, kohët e fundit e kushtëzoi ratifikimin nga Turqia me shitjen “e njëkohshme” të avionëve F-16 në Turqi nga Kongresi amerikan.
Hungaria, nga ana e saj, ka dhënë mbështetjen e saj në parim, por ka muaj që po zvarritet, raporton Euronews.com.
