- Advertisement -
Profesori dhe asamblisti Sadet Ismajli ka njoftuar se ai dhe vëllau i tij janë nisur në Gjermani pasi në komunën e Ferizaj ka mungesë të rrymës.
Ani pse vëllai i tij erdhi nga Gjermania për festat e fundvitit, Ismajli thotë se “katrahura e rrymës e bëri të kthehej sot”.
“Çfarë thyerje shprese për këta vëllezër e motra që aq shumë i besuan këtij kryeministri!”, shkroi ai mes tjerash.
Postimi i plotë:
Vëllai erdhi nga Gjermania për festën e Vitit të Ri, por katrahura e rrymës e bëri të kthehej sot për në Gjermani, dhe së bashku me të edhe unë po shkoj me e festu atje.
Ende më e dhimbshme është kur deputetët e pozitës që vijnë nga Ferizaj tentojnë të hedhin fajin te kryetari i komunës më të suksesshme, Agim Aliu, i cili bëri thirrje për furnizimin me energji elektrike, pasi Ferizaj ka mbetur pa rrymë për ditë të tëra.
Çfarë thyerje shprese për këta vëllezër e motra që aq shumë i besuan këtij kryeministri!
