Analistja Afërdita Maliqi është emocionuar teksa ka komentuar në emisionin “Kosova Today” në Klan Kosova dëshminë e ish-zyrtarit amerikan, James Rubin, i cili po paraqitet sot në Dhomat e Specializuara në Hagë.
Sipas Maliqit, dëshmia e tij e riktheu në vitet 98-99 kur personalisht i kishte përjetuar e dëgjuar ato që Rubin po i tregonte sot para trupit gjykues në Hagë.
“Ishte emocionale dhe personalisht më ktheu në vitet 1998-99”.
Më solli të plotë pasqyrën e asaj kohe. Krejt ato që i kemi përjetuar, i kemi parë dhe i kemi lexuar, sot po i dëgjojmë nga një profil si James Rubin, që në atë kohë ishte person kyç në ShBA, ndihmëssekretar i z.Albright dhe zëdhënës i Departamentit të Shtetit. Dëshmia e tij në mbrojtje të ish-presidentit Hashim Thaçi dhe ish-krerëve të UÇK-së, për mua është prova më e madhe se ky gjykim ka marrë një rrjedhë tjetër”, tha Maliqi.
