Emily Blunt mahniti me një kostum elegant të zi teksa mbërriti në Venecia, ku iu bashkua bashkë-yllit të saj, Dwayne Johnson, për premierën e filmit “The Smashing Machine” në Festivalin e 82-të Ndërkombëtar të Filmit.
Aktorja britanike, 42 vjeçe, shoqërohej nga një çantë Prada dhe syze Celine, ndërsa Johnson, 53 vjeç, u shfaq sportiv me një këmishë blu të punuar me grep dhe pantallona liri të bardha.
Filmi i ri i A24, që del në kinema më 3 tetor, bazohet në dokumentarin e vitit 2002 për jetën e legjendës së UFC-së, Mark Kerr, shkruan DailyMail.
Për rolin, Johnson iu nënshtrua muajve të trajnimit dhe transformimit fizik, duke përdorur paruke e proteza për të ngjarë me luftëtarin.
Në trailerin e sapo publikuar, shfaqen momentet e vështira të Kerr mes karrierës së tij në ring, abuzimit me substanca dhe rehabilitimit, ndërsa Emily Blunt luan gruan e tij, Dawn, që përpiqet ta mbështesë pavarësisht sfidave.
Publiku e ka pritur me entuziazëm klipin e parë, duke e quajtur një nga rolet më të fuqishme të Johnson deri më sot dhe një kandidat serioz për Oscar.
Fansat kanë vlerësuar gjithashtu ribashkimin e tij me Blunt, pas suksesit të tyre të mëparshëm në kinema.
