Këngëtarja dhe deputetja e njohur Eliza Hoxha në podkastin “Zë me Mirën” ka rrëfyer shumë për jetën dhe karrierën e saj.
Mes pyetjeve të shumta nuk mungoi edhe ajo për statusin e saj, pse vazhdon me qenë beqare.
Ajo tregoi se nuk ka qenë zgjedhje e saj personale, por edhe nuk është me pengun e dashurisë.
“Unë nuk them që nuk kam dashur të martohem. Ose nuk kam bërë zgjedhjet e duhura, ose në rritjen time të menjëhershme dhe për shumë gjëra, ka qenë pengesë mënyra se si unë punoj dhe se si funksionoj, Këtë e ka parë shumë bezdisëse që të jem bashkë me një person që synon atë që unë jam, atë çfarë kam punuar e ndërtuar, të ma cenojë. Ajo ka qenë elementare për mua. Unë nuk është se nuk e kam njohur dashurinë. Unë edhe nëse vdes nesër, nuk iki me pengun e dashurisë. E kam njohur në dritën e vërtetë, aq sa ta kuptojë që nuk është dashuria posedim, që duhet ta kesh patjetër. Unë gjej dashuri me gjithçka që bëj dhe kjo më ka ndihmuar shumë. Kështu që nuk shkoj me peng për dashuri, por ndoshta pse nuk jam bërë prind”, është shprehur Hoxha.
