Sydney Sweeney dhe Jennifer Lawrence ishin ndër yjet më të spikatura të edicionit të 16-të të Çmimeve të Guvernatorëve që u mbajtën në Los Angeles.
28-vjeçarja Sweeney mahniti të gjithë me një fustan të bardhë pa mëngë, me siluetë sirene që nxirrte në pah format e saj të orës me rërë.
Ajo e kompletoi pamjen me flokë biondë platini me kaçurrela të frymëzuara nga Marilyn Monroe, shkëlqim të lehtë në fytyrë dhe vathë elegantë argjendi, shkruan DailyMail.
Jennifer Lawrence, 35 vjeçe, doli me një fustan krem nga Dior me supe jashtë dhe një çarje të guximshme, duke e kompletuar me taka të bardha dhe flokë biondë të lëshuar në valë të lirshme.
Ngjarja nderon arritjet e jashtëzakonshme gjatë jetës në kinema dhe kontribuimet e veçanta në industrinë e filmit.
Tom Cruise, Debbie Allen dhe Wynn Thomas morën çmime nderi, ndërsa Dolly Parton u nderua me Çmimin Humanitar Jean Hersholt, megjithëse nuk mund të merrte pjesë personalisht.
Në tapetin e kuq shfaqje të tjera përfshinin Jennifer Lopez, Ariana Grande, Dakota Johnson dhe Elle Fanning, të gjithë të veshur me fustane dramatike dhe elegante, duke i dhënë eventit një atmosferë të vërtetë glamour.
