Zgjedhjet e fundit parlamentare të Serbisë janë bërë një pikë qendrore e debatit ndërkombëtar pasi presidenti Aleksandar Vuçiq arrriti një fitore bindëse për Partinë e tij Progresive Serbe (SNS). Megjithatë, një editorial i Guardian hedh dritë mbi erozionin e pretenduar të normave demokratike.
Presidenti Vuçiç i shpalli zgjedhjet “më të pastra dhe më të ndershmet” në historinë e Serbisë, duke theksuar suksesin dërrmues të SNS. Megjithatë, ekipi ndërkombëtar i vëzhguesve të OSBE-së, në një deklaratë, kritikoi zgjedhjet për mbajtjen në “kushte të padrejta”, të dëmtuara nga paragjykimi i medias, presioni ndaj punonjësve të sektorit publik dhe keqpërdorimi i burimeve publike. Vëzhguesit theksuan gjithashtu raste të frikësimit, parregullsive serioze dhe pretendimeve për blerje votash dhe mbushje votash, thuhet në shkrimin e mediumit britanik.
Editoriali i Guardian i pozicionon zgjedhjet e fundit si pjesë e një tendence më të gjerë të “kapjes së shtetit” në Serbi, me normat demokratike dhe shtetin e së drejtës që po përkeqësohen gradualisht që kur SNS mori pushtetin mbi një dekadë më parë. Editoriali përshkruan presidentin Vuçiç si një nacionalist autokratik, i cili, që nga viti 2017, ka mbikëqyrur një proces të konsolidimit të pushtetit, duke ngritur shqetësime për ndikimin e tij në Ballkanin Perëndimor.
Editoriali i plotë KËTU.
