Ederson po konsideron se Manchester City këtë vit është më i përgatitur se sa herave të tjera për ta fituar Champions Leaguen. 

Skuadra e trajnerit Pep Guardiola do të ndeshet me Leipzigun gjerman në 1/8 e finales.

“Ky është objektivi ynë kryesor, pra objektivi kryesor i klubit. Ne jemi përpjekur për ta fituar dhe do të vazhdojmë të përpiqemi. Nuk e kemi fituar akoma, arritëm në finale më 2021 dhe disa herë në gjysmëfinale, po nuk dolëm me rezultate të mira”, ka thënë Ederson. “Por unë mendoj se këtë vit, ne jemi më se të aftë për të shkuar në finale dhe sfidues për titullin”.