Electronic Arts ka tërhequr lojërat FIFA nga dyqanet e saj në Steam dhe në konsola ndërsa EA Sports FC 24 po vjen.

Titujt FIFA zhvilluar nga EA nuk janë të disponueshme për tu blerë më në Steam dhe konsola përfshirë titullin e vitit të kaluar FIFA 23.

Ende është e mundur që të luhen disa prej tyre përmes EA Play, shërbimi me pagesë të kompanisë. Nëse keni blerë më përpara një lojë FIFA në një dyqan dixhital, mund ta shkarkoni përsëri.

Nuk është ende e qartë arsyeja pse EA ka hequr të gjitha këto tituj nga shitjet. Vitin e kaluar EA dhe FIFA i dhanë fund partneritetit të tyre disa vjeçar të licencimit për seritë klasike të futbollit.

EA ka ribranduar lojën në EA Sports FC dhe zyrtarisht do të lançojë versionin e parë më 29 Shtator edhe pse që prej javës së kaluar disa përdorues kanë pasur akses.