E rëndë: Plagoset me armë zjarri një zyrtar policor në Fushë Kosovë

Një incident i rëndë ka ndodhur para rreth një ore në Fushë Kosovë, ku një person është qëlluar me armë zjarri dhe ka mbetur i plagosur, raporton Gazeta Sinjali.

Sinjali ka mësuar ekskluzivisht se viktima që u qëllua me armë nga një person është zyrtar policor.

Burimet e Sinjalit kanë bërë me dije se zyrtari policor i plagosur i takon Njësisë së Trafikut dhe në momentin që i dyshuari e qëlloi ishte jashtë detyrës zyrtare.

Njësitë përkatëse tashmë kanë dalë në vendin e ngjarjes, ku do të kryhen ekzaminimet e nevojshme.