- Advertisement -
Kryetari i Kuvendit të Kosovës, Glauk Konjufca ka reaguar pasi kryetari i Aleancës për Ardhmërinë e Kosovës (AAK), Ramush Haradinaj i quajti noterë të kryeministrit Albin Kurti, Konjufcën dhe presidenten Vjosa Osmani. Ai i tha që të ketë kujdes me gjuhën e tij.
Konjufca reagoi edhe për gjuhën e përdorur ndaj zëvendëskryeministrit Besnik Bislimi dhe deputetëve të VV-së, që i quajti teknik të dialogut.
“Z.Haradinaj kujdes në terminologjinë që e përdorni tjera herë. Respekto fjalorin tuaj për kolegët deputet por edhe për anëtarët e Qeverisë”, tha Konjufca.
Kjo pasi sipas Haradinajt, Qeveria Kurti po e zhvillon dialogun vetëm në nivel teknik.
