Një 37 vjeçar, me profesion gazetar është arrestuar nga policia e Shkodrës pasi ka ushtruar dhunë ndaj babait të tij. Mësohet se 37 vjeçari ka nën administrim portalin ShkodraNews.

Arrestimi i gazetarit u krye pas kallëzimit të të atit se e kishte kërcënuar dhe dhunuar ndërkohë që kishte marrë urdhër mbrojtjeje nga ai.

Pas raportimit të të atit, policia kreu kontrolle në banesën e tij, ku gjetën një armë imituese të armës së zjarrit.

Gjithashtu, nga verifikimet rezultoi se gazetari me inicialet R.S, në një ambient të marrë me qira, menaxhonte nëpërmjet kompjuterëve dhe pajisjeve të tjera elektronike, llogaritë që kishte në Facebook dhe në WEB, në të cilat postonte fyerje dhe shpifje kundrejt shtetasve të ndryshëm, disa prej tyre me funksione publik.