Një debat i ri duket në horizont në botën e showbiz-it të huaj, mes Meghan Markle dhe Victoria Beckham. Burime të brendshme pretendojnë se bashkëshortja e Princit Harry po ndihet ‘e lënduar dhe e poshtëruar’ nga pritja ndaj dokumentarit të fundit të Beckham në Netflix.
Kontrasti në perceptimin publik ka ringjallur tensionet që dikur ishin të fjetura midis ish-mikeshave, pasi dokumentari i Victorias ka qenë një sukses absolut.
Seriali me tre pjesë i stilistes së famshme në Netflix , i cili debutoi më 9 tetor, gjurmon udhëtimin e saj nga të qenit një ikonë popi e njohur botërisht në t’u bërë një nga manjatët më të famshëm të modës.
Dokumentari është vlerësuar gjerësisht për autenticitetin , cilësinë e prodhimit dhe rikthimin e saj si një stiliste e respektuar. Nuk ka asgjë që Victoria nuk mund ta bëjë.
Ndërkohë burime të brendshme i thanë “RadarOnline” se koha dhe duartrokitjet e ngrohta për projektin e Beckham kanë ndikuar thellësisht në Markle dhe shëndetin e saj mendor, pasi pritjet e saj fillestare nuk u përmbushën.
“Victoria ka arritur pikërisht atë që aspironte – duke kaluar pa probleme nga një personazh i famshëm në një figurë të besueshme biznesi. Meghan është përpjekur të etablohet si një fuqi kulturore, por dokumentari i Victorias e ka lënë në hije plotësisht”, ka thënë një burim.
Dy personalitetet e famshme ndanin një miqësi të shkëlqyer në të kaluarën. Victoria dizenjonte për Meghan gjatë ditëve të saj mbretërore dhe Beckham-ët morën pjesë në dasmën mbretërore të Meghan dhe Harry-t në vitin 2018.
Megjithatë, marrëdhënia e tyre duket se po përkeqësohet pas shfaqjes së akuzave të reja se Meghan besonte se Victoria kishte zbuluar histori në shtyp, një akuzë që vetë Beckham e mohoi në atë kohë. Megjithatë, që nga ajo kohë, miqësia ka të ngjarë të mos jetë rikuperuar kurrë.
Ato tensione të së kaluarës tani duken më të qarta në këtë moment të fundit publik. Kontrasti midis serialit dokumentar të famshëm të Beckham dhe performancës më modeste të Meghan në Netflix shihet nga disa si i mjaftueshëm për të gjeneruar zhgënjim në krenarinë e ish-aktores.
