“E ke dorëzuar Kosovën”, opozita serbe me parulla kundër Vuçiqit në seancën e kuvendit

Presidenti serb Aleksandar Vuçiq foli para deputetëve të Kuvendit të Serbisë për rreth 80 minuta, por prezantoi shumë pak detaje të planit franko-gjerman për Kosovën, të cilin e kërkon opozita.

Në vend të kësaj, Vuçiqi prezantoi planin prej 10 pikëve për Serbinë.

Opozita serbe shpalosi parulla si: “E ke dorëzuar Kosovën”, “Jo ultimatum, jo kapitullim”, ndërsa ai po fliste për Kosovën në seancë.

Në këto parulla ishte edhe një fotografi e ish-politikanit serb, Oliver Ivanoviq.