- Advertisement -
Një aksident tragjik i ndodhur dje në fshatin Kotorr të Skenderajt i ka marrë jetën 55-vjeçarit Driton Hajrizi.
Dritoni ishte një figurë e njohur dhe e respektuar, jo vetëm në vendlindje por edhe më gjerë. Ai ishte pjesëtar i Ushtrisë Çlirimtare të Kosovës gjatë luftës për liri, ndërsa pas përfundimit të saj vazhdoi të shërbente me nder në Trupat Mbrojtëse të Kosovës (TMK) dhe më pas në Forcën e Sigurisë së Kosovës (FSK).
Gjatë gjithë jetës së tij, Driton Hajrizi u dallua për vlerat e larta njerëzore, përkushtimin ndaj vendit dhe dashurinë për atdheun. Ai la gjurmë të pashlyeshme në komunitet dhe në zemrat e atyre që patën fatin ta njohin.
