Julia Fox i është përgjigjur atyre që mendojnë se marrëdhënia e saj me Kanye West bazohet tek fama dhe paratë e reperit të njohur amerikan.
Ajo ka zbuluar se është njohur me burra të pasur edhe më parë dhe se kjo për të nuk është një gjë e re për të.
“Njerëzit mendojnë: Ajo është në lidhje me Kanye vetëm për famë dhe para. Por, unë kam dalë me milionerë gjatë gjithë jetës sime”, u shpreh ajo në një intervistë të fundit.
“Më vjen për të qeshur sepse po e marr gjithë këtë vëmendje, por vërtet nuk më intereson aspak”, ka shtuar më tej aktorja.
Fox është ndarë nga partneri i saj Peter Artemiev me të cilin ka një fëmijë. Kujtojmë se dhe këngëtari Kaney West pasi u nda me ish-bashkëshorten Kim Kardashian fillimisht iu afrua modeles Irina Shayk në mesin e vitit 2021 dhe më pas kaloi disa muaj me një modele tjetër.
