Dyshohet se plagosi një person, lirohet nga burgu i dashuri i Rihanna-s

Reperi A$AP Rocky është fotografuar duke u larguar nga selia e Departamentit të Policisë në Los Anxhelos të mërkurën pasdite. Reperi është liruar nga burgu brenda tre orëve pasi u arrestua në Aeroportin Ndërkombëtar të Los Anxhelosit.

Mediat e huaja raportojnë se reperi pagoi një garanci prej 550,000 dollarësh. Reperi ishte nën hetim për përfshirjen e tij të dyshuar në një sulm me armë në nëntor të vitit të kaluar. Rocky, emri i vërtetë i të cilit është Mayers, do të dalë në gjyq me 17 Gusht.

33 vjeçari ishte kthyer së fundmi nga Barbados ku kishte pushuar me të dashurën e tij shtatzënë, Rihanna. Rocky thuhet se është përfshirë në një sulm më 6 Nëntor, ku ka plagosur një person.