- Advertisement -
Sulmuesi Paulo Dybala do të jetë pjesë e skuadrës së Romës edhe për sezonin 2025/26.
Argjentinasi ka vendosur ta respektojë kontratën që i skadon vitin e ardhshëm, duke i qëndruar besnik ekipit italian përkundër ofertave nga skuadrat tjera.
Së fundmi, është folur për një interesim të Boca Juniorsit për Dybalan, por 31-vjeçari ka mohuar gjithçka.
Ai ka insistuar se nuk do të largohet nga Roma pasi ka kontratë valide me ekipin nga Serie A dhe është i fokusuar për ta ndihmuar skuadrën që të arrijë objektivat.
Dybala është pjesë e Romës prej vitit 2022 kur iu bashkua si lojtar i lirë, ndërsa në Itali ka luajtur edhe për Juventusin e Palermon.
