- Advertisement -
Paulo Dybala e ka zbuluar se ai kishte pesë thirrje të humbura nga Jose Mourinho pasi fitoi Kupën e Botës.
Sulmuesi e ka telefonuar menaxherin e Romas para se të thërriste nënën e tij, shkruan lajmi.net.
“Kur mbaroi finalja kundër Francës, isha në dhomën tradicionale të dopingut, pastaj arrita në dhomat e zhveshjes, mora telefonin për të folur me familjen time dhe pata pesë telefonata të humbura nga Mourinho. E thirra atë fillimisht pastaj nënën time. Ai gjithmonë më thotë gjëra të mrekullueshme edhe për Di Marian dhe Messin, i do shumë ata”, tha ai.
Dybala dhe Roma përballjen e radhës e kanë kundër Slavia Pragas të enjten në mbrëmje në kuadër të Europa Leagues.
