Futbollisti i skuadrës së Romës sakrifikoi shumë për të qenë në finalen e Ligës së Evropës kundër Sevillas.
Bile ai ishte edhe inspiruesi i gjallorosëve në këtë sfidë duke e shënuar golin e parë në takim.
Ai kështu u bë argjentinasi i parë pas 13 vjetësh që shënon në një finale të garave të UEFA-së.
I fundit e kishte bërë këtë Lionel Messi me Barcelonën në sezonin 2010/2011.
La Joya po ashtu është argjentinasi i parë që shënon në një finale të Ligës së Evropës pas 24 vjetësh.
Kjo kishte ndodhur për herë të fundit në garën e UEFA Cup kur kishte shënuar Hernan Crespo në vitin 1999 me Parmën.
Po ashtu Dybala bëhet vetëm futbollisti i dytë i huaj i Romës që shënon në një finale të madhe evropiane.
62 vjet më parë i fundit e kishte bërë këtë Pedro Manfredini duke i shënuar skuadrës së Birmingham Cityt në kuadër të Fairs Cup. /Klankosova/
