Dy zyrtarë policorë e shpëtojnë nga ngufatja një 60-vjeçar

Dy zyrtarë policorë sot e kanë shpëtuar nga ngufatja një 60-vjeçar nga Vushtrria.

“Dy hetues të Sektorit Rajonal të Hetimeve kanë vërejtur një person me gjendje të përkeqësuar shëndetësore, të cilit i ishin bllokuar rrugët e frymëmarrjes”.

“Reagimi i shpejtë i dy zyrtarëve policorë ka bërë që qytetarit t’i lirohen rrugët e frymëmarrjes, të shpëtohet nga ngufatja dhe ta kthejnë në gjendje stabile”, thuhet në njoftimin e policisë.

Pas normalizimit të gjendjes shëndetësore, qytetari i ka falënderuar zyrtarët policorë për ndihmën e dhënë dhe veprimet e ndërmarra.