- Advertisement -
Timo Werner vijon të zhgënjejë te Leipzig, që prej rikthimit nga Chelsea, teksa edhe këtë sezon nuk po arrin të sigurojë dot një vend si titullar.
Sulmuesi gjerman duket se ka vendosur të largohet në janar, drejt një skuadre ku t’i garantohen më shumë minuta, pasi dëshiron të luajë shanset e tij për në Europianin e 2024-ës.
Dhe adhuruesit nuk i mungojnë, teksa në Gjermani bëjnë me dije se Milani dhe Juventusi kanë nisur tashmë kontaktet me agjentët e Werner, për ta marrë në huazim me të drejtë blerjeje në verë.
Sulmuesi 27-vjeçar do të bënte jo pak komod Piolin, që ka vetëm francezin Giroud në qendër të sulmit, po edhe Allegrin te Juventusi, që e sheh si partnerin ideal të serbit Vlahovic.
