Dy javë pas rezultatit zgjedhor, dega e PDK-së në Drenas ka mbajtur mbledhjen pas zgjedhjeve.
Takimi u kryesua nga ish-kandidati për kryetar komune, Petrit Hajdari, dhe në të morën pjesë kryesia e degës dhe kandidatët për Kuvendin Komunal.
“Në takim me kryesinë e degës së PDK-së në Drenas dhe me kandidatët tanë për Kuvendin Komunal, diskutuam për zhvillimet e fundit dhe zgjodhëm kryetarin e grupit të anëtarëve të Kuvendit Komunal”, deklaroi Hajdari.
Ai shtoi se opozita në Drenas do të bëhet me nder dhe dinjitet, ashtu siç i ka hije Partisë Demokratike të Kosovës.
“PDK-ja e Drenasit nuk duhet veç kur jep pushtet, por edhe kur duhet të punojë nga disavantazhi i opozitës. Çdo rrugë tjetër në politikë është e pakuptimtë”, theksoi ai.
Hajdari mori përsipër përgjegjësinë për rezultatin zgjedhor, duke theksuar se faji nuk i takon qytetarëve, por atij vetë si kandidat.
“Është e vërtetë që rezultati nuk ishte ai që prisnim, por përgjegjësia për këtë më takon mua e jo qytetarit. Do të punojmë për ta sjellë edhe PDK-në edhe Drenasin në lartësinë që e meriton”, përfundoi ai.
Në takim me kryesinë e degës së PDK-së në Drenas dhe me kandidatët tanë për Kuvendin Komunal, diskutuam për zhvillimet e fundit dhe zgjodhëm kryetarin e grupit të anëtarëve të Kuvendit Komunal.
Dëshmi e përkushtimit tonë për Drenasin e për PDK-në është që opozitën në Drenas do ta bëjmë me nder e dinjitet siç i ka hije PDK-së. Këtë parti politike e kemi adresë të angazhimit të cilin nuk e kushtëzojmë me pushtet.
PDK-ja e Drenasi nuk duhen veç kur të japin pushtet, por edhe kur duhet të punojmë, qoftë edhe nga disavantazhi i opozitës, për këtë qytet.
Çdo rrugë tjetër në politikë është e pakuptimtë.
I falenderoj të gjithë ata që besuan e u angazhuan. Është e vërtetë që rezultati nuk ishte ai që prisnim, por përgjegjësia për këtë më takon mua e jo qytetarit. Do të punojmë për ta sjellë edhe PDK-në edhe Drenasin në lartësinë që e meriton.
Falemnderit të gjithëve!
Petrit E. Hajdari
